हितेन्द्रदेव शाक्य विद्युत् प्राधिकरणको कामु कार्यकारी निर्देशकमा नियुक्त

हितेन्द्रदेव शाक्य विद्युत् प्राधिकरणको कामु कार्यकारी निर्देशकमा नियुक्त

काठमाण्डौ – नेपाल विद्युत् प्राधिकरणको कायम मुकायम कार्यकारी निर्देशकमा हितेन्द्रदेव शाक्य नियुक्त हुनुभएको छ । प्राधिकरणको बुधबार बसेको सञ्चालक समितिको बैठकले शाक्यलाई कामु कार्यकारी निर्देशकको जिम्मेवारी दिएको सदस्य चेतराज जोशीले उज्यालोलाई जानकारी दिनुभयो ।

विद्युत् प्राधिकरण अन्तर्गतकै इन्जिनियरिङ कम्पनीमा प्रबन्ध निर्देशक रहनुभएका शाक्यलाई ऊर्जा, जलस्रोत तथा सिँचाइमन्त्री वर्षमान पुनले सोमबार निमित्त कार्यकारी निर्देशकको जिम्मेवारी दिनुभएको थियो ।

शाक्यलाई प्राधिकरणको कार्यकारी निर्देशक बनाउने उद्देश्यले प्राधिकरणमा तानिएको मन्त्रालय स्रोतले जनाएको छ । मङ्गलबार कामु कार्यकारी निर्देशकको जिम्मेवारी पाएपछि अब प्राधिकरणको कार्यकारी निर्देशक शाक्य बन्ने पक्का जस्तै भएको छ ।

गएको भदौ २९ गते कुलमान घिसिङ बाहिरिएसँगै प्राधिकरण कार्यकारी निर्देशकविहीन भएको थियो ।

समाज